關於近期...

實在罪該萬死,竟然整個月都冇在這裡更新自己的近況,只怪自己近日忙到連寫個blog都冇心機...

回顧返四月,工作已經開始忙了些,而攝影方面亦經過了一段淡季後,現在已開始返影星的行動,期間亦有幸地俾我影到銀河...第一次就在東壩,而最近一次就是這個5月在石澳龍脊影到的,龍脊那次就容後慢慢說

近期遇過好多事,不過都記唔起太多,最多都是用相片記錄那日遇過的事,反正"365日"仍然繼續做...可能因為這個原因連blog都懶得去寫了


其實自己都開始懷疑自己是否已經對身邊所有事情感到麻痺,心情上即使有心事想訴說,都只可以收埋無法好好表達,連自己平時影相(尤其是做"365日"更甚)亦都不斷面對這裡情況,好似唔知自己想表達甚麼...誠然,這根本不是一個好好的跡象,可能我需要的,大概是有人可以知道我內心是缺乏甚麼及需要甚麼...

原來,平日的我,是好怕自己一個人食晚飯...尤其是星期四/五放了工唔想太早回家,就會想在出面逛個街食過飯才回家,然而出到去自己一個人,就發現各種餐廳的桌上都是坐著兩人或以上,同只有自己一個人的感覺格格不入,要一個人去攞位食飯都有難度...其實,自己都一直希望可以約到人食飯,奈何,對方不是已經有約就是沒有時間,甚至話遲D先啦...喂~~究竟我是否有咩問題??只是食餐飯傾下近況而已,有何為難??怕我會食了你們乎???我有咁可怕咩???是的話,早應同我絕交罷了...

誠然,朋友嘛...表面上係識好多,但知心的,有心的...就只有小貓三四隻,哀哉...

感情上,近期還是有點混亂,仲未清楚自己需要甚麼...看來暫時將它留白仲好過...