當晚本來去清水灣大嶺峒影星的,但因為某個搞手(不點名了)在黃留時同我致電話好大煙霞,又話佢在旺角根本都見唔到星,即使去到目的地都可能都影唔到云云,結果佢最後都係決定取消了原定的行程,寧願在屋企睇波就算...結果,在我不認同及質疑對方的判斷的情況下,同阿PAT改上大帽山影星了...反正,在大帽山影星我都係第一次,就順便試下了。
好了,去到山頂...即使周圍仍然有煙霞,但都仍然被我們目視到一片星空,同我的預期一樣...此時,我內心想向某個搞手反問一句: 喂~~邊個話煙霞影唔到星ga??? 這些咩來ga???
由於東南偏南太多光害到不堪入目,所以銀河早已不打算影了...要影銀河,留返下星期在東坪洲了。
不過當日淩晨,我們在大帽山山頂出現了一些小插曲: 話說,有個地獄黑仔王,帶了爐但冇帶火機,煲唔到水食唔到杯麵...結果,佢被迫要在山頂上攤屍!!XDDDDD
就今次一役,我個人有以下意見...影星影天文的題材有別於影其他題材,是需要對氣候及天氣有長遠的預計,而且更有心理準備去應對任何預測以外的環境變化,這絕對是左右到你當日影唔影到一張星空照,同你手上入了有幾貴的器材及大光圈鏡頭冇任何關係...而且最重要的,是自己的心態是否肯放膽去嘗試,及接受變化莫測的環境...肯放膽去試,肯放膽食白果的,即使天氣狀況不算好,至少都一定有意外的收獲...
沒有留言:
發佈留言