這個月,從Helen身邊中認識了好多朋友,當中有些更inspire我自己一直以來的性格及態度,令自己更有空間去改善及調整自己對人和事的心態...這方面,我要先行多謝佢地。亦相信有再見面的一日...
攝影方面,因為近期天氣時晴時雨的關係,好似又步入淡季,有些之前想去影的地方,最後又冇左一回事,錯失了...未來這幾日即使有機會,都要規劃一下要去哪裡。早前想同人踩單車,打保齡,但都因為天氣及時間的不合時而告吹,希望未來8月可以做得返。
一些朋友由澳洲回來,但一直沒有機會出來見面,希望盡快見返佢地,可以出來食飯吹水影下相。一些早前同我鬧翻了的朋友,希望隔了咁耐時間最終可以做返朋友,人誰無過??一個同我短時間相處而覺得不適合的朋友,我會盡力去改善自己的問題,希望在日後相處上可以適合大家...I wish I could be more than just a friend...
近日在HKU SPACE報了一個讀3年的專業文憑課程,校方收了我,會在9月中開課...因此有些事情亦好想在9月前去做了它,只知道時日無多,那怕9月後未必有時間及精神去做...
工作上仍然繼續,但終點隱約見到: 2012年3月...在這之前,只有希望及準備可以做。可能,更要考慮一下有冇環境轉變的需要...這個又是挺難考慮的課題。
近日,有時口痕,經常在放工時間走去M記食McFurry同蘋果批,但...食極都唔肥XDDD(為食的女士們,唔好打我~)
近日,聽903,次次在節目宣傳中都聽到咁既口頭禪: "真係好驚喎~驚到好震喎~"...初初聽冇問題,但聽耐了倒有點吃不消...
近日...累啦...就說到這裡了
沒有留言:
發佈留言